Urrutikoetxea eta Untoria bikoteari 19-22 irabazi zioten Iruñeko Labrit pilotalekuan jokatutako finala.
Maila handiko partida izan zen bi atzelariek jokatutakoa. Untoriak aurre egin zion Albisuri, eta azken honek partidaren bukaera aldera partidaren gogortasuna pairatu zuen. Altunak partida oso ona egin zuen eta aurreko koadroetako norgehiagoka irabazi zion Urrutikoetxeari. Altunak oso ondo bukatu zituen tantoak, eta Urrutikoetxeak tartean hutsegiteak izan zituen.
Altunak sake bat, hamabi tanto egin eta sei galdu zituen. Urrutikoetxeak sei tanto egin eta kopuru berdina galdu zituen. Atzelariei dagokionez, Albisuk tanto bat egin zuen eta bost galdu, eta Untoriak bi egin eta bi galdu zituen.
I. Masters Codere Apuestas txapelketa irabazi du Altuna pilotari amezketarrak Albisurekin batera. Lehiaketa berri horren lehenengo bikote irabazle moduan geratuko dira beraien izenak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!