Amezketarraren taldeko beste bi bikoteak Victor-Rezusta eta Bengoetxea VI.a-Merino II.a dira. Hiru bikoteek elkarren artean jokatuko dute eta taldeko lehenak jokatuko du finala.
Altunak eta Untoriak lehenengo partida asteartean izango dute, beste bi bikoteek etzi jokatuko duten partidako galtzaileen aurka. Bigarren partida ostegunean jokatuko dute, etziko irabazleen aurka. Finala irailaren 24an jokatuko da. Pilotari amezketarrak iaz jokatu zuen finala Albisu bikote zuela, eta galdu egin zuen 22-21 Ezkurdia eta Rezustaren aurka.