Iluntzean jaitsiko da eulia Amezketara, baina haurrek beren eguna dute gaur, eta goizean goizetik izan dute ongi pasatzeko aukera. Puzgarriak eta jolasak izan dituzte goizean, eta bazkaria egin dute ondoren Zazpi-Iturri elkartean.
Sabela bete, eta jolasean jarraitzeko moduan zeuden haurrak; puzgarriekin eta trizikloekin jolasteko aukera izan dute arratsaldean ere. Ondoren, txokolate jatea eta buruhandi eta txistulariekin kalejira egingo dituzte.
Iluntzean jaitsiko da eulia Amezketara, eta agurra dantzatuz egingo diote merezitako ongi etorria. 21:00etan, zahagi ardoa egingo dute eta Izer eta Alabier eta Elustondo anai-arrebekin erromeria izango da goizaldera arte. Atsedenaldian, Bingoa jokatuko dute; beraz, sariren bat irabazi nahi duenak Amezketara gerturatu besterik ez du.
Ikusi hemen datozen ordu eta egunetako egitaraua.
