Egunak askorako emango du Amezketan. Izan ere, puzgarrien ostean, bazkaria izango dute haurrek Zazpi-Itturri elkartean, xahututako energiak pilatzeko. Arratsaldean, puzgarriak izango dituzte berriz, baita txokolate jatea ere. 19:00etan, kalejira izango da buruhandi eta txistulariekin; 20:30ean, amezketarrak identifikatzen dituen eulia jaitsiko da. Ondorengo zahagi ardoan sabelak berdindu eta gero, Ezten giro taldearekin dantzaldia izango da plazan.
Honako egitaraua izango dute amezketarrek, datozen egunotan:
Abuztuak 24, astezkena
SAN BARTOLOME EGUNA
10:00. Herrian zehar diana txistulariekin.
11:00. Meza, San Bartolome elizan.
12:30. Herriko haur eta gaztetxoek eskainita, herri kirolak plazan.
Tartean. Idoia Etxeberria eta Joseba Ostolaza harri jasotzen, eta Ugaitz Mugerza aizkoran.
17:30. Pilota partidak.
Ondoren. Egan taldearekin dantza saioa plazan.
22:30. Altuna anaiak frontoian, bertso saioa: Bixente Gorostidi, Anjel Mari Peñagarikano, Julio Soto, Oihana Iguaran eta Mikel Artola. Gai-jartzailea: Imanol Artola.
Atsedenaldian. Bingoa plazan.
Abuztuak 25, osteguna
MOZORRO EGUNA
12:00. Herriko gazteen goitibehera lasterketa San Martin aldetik.
13:30. Txakolin dastaketa plazan (jatekoa norberak eraman beharko du, udalak parrila piztuko du).
15:30. XI. Mus txapelketarako izen-ematea (bikotekide batek amezketarra behar du izan; bikoteko, 10 euro ordaindu beharko dira).
16:00. XI. Mus txapelketaren hasiera.
20:00. Mozorroen sariketa plazan.
23:30. Obaneuke taldearekin dantzaldia plazan.
Atsedenaldian. Bingoa plazan.
Abuztuak 26, ostirala
10:30. XVI. Pilota txapelketa herrikoiaren finalak.
Ondoren. Poteoa.
14:30. Kuadrillen bazkaria, Larrunarri pilotalekuan.
Segidan. Joko poteoa.
21:00. Zahagi sagardoa (udalak sagardoa jarriko du).
Jarraian. Argazki muntaiaren erakustaldia.
23:00. Iratzar taldearekin erromeria plazan.
Atsedenaldian. Kulero eta galtzontzilo lasterketa.
Abuztuak 27, larunbata
12:30. Amaiur, Iruñeako dantza taldearen emanaldia, Larrunarri pilotalekuan.
18:00.Artzain txakurren erakustaldia, Jauregi-Haundi ondoko zelaian.
20:30. Sagardo dastaketa, plazan.
23:00. Untza taldearekin dantzaldia.
00:00. Euliaren hileta.
Segidan. Untza taldearekin goizaldera arte erromeria.
Tartean. Akelok guraso elkartekoen txekorraren zozketa.