Jokin Altuna Banakako Txapelketako finalerdietan dago jada. Atzo Victorren aurka erakustaldia eman eta final laurdenak jokatu gabe egin du aurrera, Juan Martinez de Irujok datorren astelehenean Tolosako Beotibarren jokatu behar zuten partida jokatzeari uko egin eta gero.
Iberokoak bihar egin behar zuen azken proba jokatzeko moduan zegoen ala ez jakiteko, baina gaurko entrenamendu saioan konturatu da ezinezkoa duela garaiz osatzea.
Altuna III.ak Mikel Urrutikoetxea edo Joseba Ezkurdia izango du aurkari finalerdietan. Igande honetan jokatuko dute elkarren aurka, Bilboko Bizkaia pilotalekuan.