Azkenean jokatu dira Euskal Herriko txapelketak. Arratsaldea nahiko aldrebesa izan arren, hiru partidak jokatzea lortu da. Lau t'erdiko partida, Amezketako Larrunarri pilotalekuan jokatu da eta Iñaki Arratibelek garaipena lortu du. Buruz buruko partida berriz, Alegiako Elorri pilotalekuan jokatu behar izan da Amezketako frontoiko hezetasunaren ondorioz. Bigarren partida eta hirugarren partidak, Pagazpe pilota elkarteak irabazi ditu eta txapela bereganatu dute. Hala eta guztiz ere, goraipatu behar pilotari guztiek eskaini duten ikuskizuna.