Senideek albistea "pozik" jaso dute goizean, eta jakin bezain laster Valdemoro espetxera bidean jarri dira, bertan baitzen Mujika. Dagoeneko senideen artean da. Irudian, Mujika, arreba, emaztea eta koinatuarekin.
2001ean Jose Maria Aznar Espainiako orduko gobernuburua hiltzen saiatzea leporatuta epaitu zuten Mujika, Luis Iruretagoiena ‘Suni’, Peio Olano eta Goio Jimenezekin batera. Fiskaltzak, denera, 285 urteko espetxe zigorra eskatu zuen. Laurek ukatu zuten atentatu saioan parte hartu izana, eta Iruretagoienak ez beste guztiek ukatu zuten ETAko kide direla epaiketan.
Epaiketa amaituta, fiskalak berretsi egin zituen hasierako zigor eskaerak: 72 urteko zigorra Iruretagoienarentzat, eta 71 urteko zigorra gainerakoentzat. Hala ere, bertan izan ziren zenbait herritarrek Tolosaldeko ATARIA-ri adierazi zioten fiskalak aitortu zuela ez zegoela auziperatuen aurkako proba «zehatzik».