Altunak Irujo ordezkatuko du ostiralean

Amezketarrak Barriolaren ordez arituko den Ceciliorekin batera jokatuko du Atano III.a pilotalekuan Artola eta Albisuren aurka.

Eskualdeko derbia izango da berriro ere binakako txapelketan. Xala hiru astez lesionatuta egon ondoren itzultzekoa zen asteburuan, eta hori dela eta, txapelketako ibilbidea amaitutzat zuen Altunak. Baina Juan Martinez de Irujo eskuko minez esnatu da gaur goizean eta ostiralean ez jokatzea erabaki du. Beraz, amezketarrak Iberokoa ordezkatuko du.
 
Ceciliorekin osatuko du bikotea, hau ere, Barriolaren ordez arituko da. Bigarren astez jarraian, beraz, ordezkoek osatutako bikote batek jokatuko du.
 
Neurketa ostiralean jokatuko da 22:00etatik aurrera Atano III.an.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!