Amasa-Villabonako ikastetxeetako ikasle eta irakasleak udaletxean izan dira, Eskola Agenda 2030 egitasmoaren barruan. Azken ikasturtean mugikortasuna landu dute ikasleek, eta egindako lanketaren ondorioak eta proposamenak aurkeztu dizkiete udal ordezkariei.
Udal agintariek ikasleen proposamenak kontuan hartu dituzte, eta Beatriz Unzue alkateak eta Xabat Laborde Hirigintza zinegotziak iragarri dute mugikortasunaren inguruko neurri zehatzak martxan jarri dituztela.
Besteak beste, bizikletaren mugikortasun plana egin dute Amasa-Villabonarako; Arratzaingo bidean oinezkoen segurtasuna hobetzeko neurriak hartu dituzte; eta Arratzaingo eskolaren inguruko irisgarritasuna bermatzeko proiektua abian jarri dute.
