Bigarren urtez egin dute egitasmoa, eta herriz aldatzen joaten dira. Aurtengoan Zapore Anitz Amasa-Villabonan egin dute, eta Caritaseko proiektuetan parte hartzen dute kideak eta boluntarioak elkartzeko baliatzen dute. Xabier Jorrin Caritaseko kideak azaldu duenez, «egun pasa bat egiten dugu, eta horretarako paellak prestatu ditugu. Bakoitzak bere ukitua ematen dio, bere jatorrizko herrialdeko modura eginez». Proiektuetako partaideak hainbat herrialdetakoak dira, eta bere gastronomia ezagutarazteko aukera izan dute. Antolakuntzatik jarri dituzte oinarrizko osagaiak, eta gero bakoitzak ekarri dute bere osagai bereziak. Bestalde, ekitaldia girotzeko, herriko Eresargi abesbatzak emanaldia egin du.