Moda Biziz desfilea egin zuten Amasa-Villabonako merkatariek ostegun iluntzean. Berdura Plazan egin zuten Oizeder Mayoren gidaritzapean, eta DJ Zigorren musikak eta Oier Laborderen dantzek girotuta. Titare, Garintza, Gema Loradenda, Zubimuxu, Eizmendi Kirolak, Duna Oinetakoak, Kaori & Amlu eta MP Boutique dendetako eskaintzarekin osatu zuten moda desfilea, eta Garazi Loradendak apaindu zuen gunea. Hori gutxi ez, eta Eizmendi eta Hamabost ile-apaindegiek apaindu zituzten modeloak, eta Minimarket JC-k janari postua jarri zuen eta Zubimuxu Ikastolak edari barra.