Santio jaiei hasiera eman diete gaur Villabonan, erroskilla udaletxeko fatxadan zintzilikatuta. Gaurtik aurrera, zortzi egunez, festaz gozatzeko aukera izango dute herritarrek. Aurtengo txupinazoa botatzeko ohorea aurten 50. urte betetzen dituzten Oinkari dantza taldeko eta Salbadora jubilatu elkarteko kideek izan dute. Lehenik, pregoia irakurri dute Errebote plazako oholtzatik, eta ondoren suziria botata hasi dira festak, Iraunkorrak txarangak alaituta. Ondoren, Buruhandi, ipotx eta erraldoien kalejira egin dute herrian zehar, Iraunkorrak txarangaren laguntzarekin.
Festak ez du etenik izango arratsalde osoan, eta beste zenbait ekintzez gozatzeko aukera izango dute gaur billabonatarrek:
-
19:30. Helduen areto futboleko finala, Erreboteko plazan.
-
20:00. Eresargi abesbatzaren kontzertua, Gurea antzokian.
-
21:30. Herri afaria, Erreboteko plazan. Eguraldi txarra eginez gero: Txerminen.
-
00:30. Dantzaldia, Gabezin taldearen eskutik, Erreboteko plazan.
-
01:00. Gazte garaiak oroituz, 40 urtetik gorakoentzat DJ emanaldia, Txistulari plazan.
Ikusi Santio Jaien egitarau guztia hemen.