Aquilino Sagarna, Benedicto Santamaria eta Jose Andres Garate billabonatarrak omendu ditu Amasa-Villabonako Udalak, Behar Zana elkartearekin batera antolatu duen ekitaldian. Hain justu, 100 urte betetzen dira Parisko Joko Olinpikoetan hiru pilotariek urrezko domina lortu zutela.
Omenaldia Joko Garbia Jaialdiaren barruan egin dute. Pilota joko zaharrenetako bat eta herri gutxitan mantentzen da, tartean, Amasa-Villabonan. Horregatik, mendeurrenaren harira, Behar Zana elkarteak egun osoko egitaraua prestatu du gaurko, eta protagonismo berezia izango du pilota modalitateak. Goizean, neguko pilota topaketa egin dute, eta arratsaldean, hainbat partida izan dira, gazteen nahiz helduen mailan. Hain zuzen, partida nagusiaren aurretik egin diete omenaldia Parisen jokatu ziren Olinpiar Jokoetan parte hartu eta urrezko domina lortu zuten pilotari billabonatarrei. Haien ordez senideak eta ordezkariak izan dira omenaldiko unean.
Argazkiak: Behar Zana elkartea