Villabonako Santio Txapelketa, XII. Antton Pebeten Oroimenezkoak, baditu aurtengo irabazleak. Paleta gomaz, Arregi-Mendigain eta Luixa IV-Otaegi jokatu dute, eta bikote urdina nagusitu da 25-15eko emaitzarekin.
Eguneko bigarren eta azken finala, gizonezkoen mailan eskuz jokatu da. Canabal-Garmendia bikoteak 22-16 menderatu dituzte Rekalde-Alduntzin, eta aurtengo Villabonako Santio Txapelketako irabazle bilakatu dira. Txapelketako pilotari onenaren saria, Beñat Garmendia Aspeko pilotari ohiarentzat izan da.
Arratsaldean egin duen beroa, ez da traba izan Santio Txapelketako finalekin gozatzera gerturatu diren zaletuentzat. Bearzana pilotalekua, jendez lepo egon bai da gaurkoan ere finalak zuzenean jarraitzeko.