Ohi bezala, Santa Ana egunarekin bat eginez, konpartsa herrikoia egin dute billabonatarrek. Zunbentz elkarteak antolatzen du ekitaldia eta urteroko mozorro bat hartzen dute horretarako aitzaki. Aurten, 40 urte atzera egingo dute eta 80ko hamarkada hartu dute mozorro. Horren bueltako hainbat musika talde eta abesti ospetsu ere ekarri dituzte gogora. Esaterako, Loco Mia, Alaska eta Village People taldeen doinuak izan dira nagusi, besteak beste. Dantzan eta abesten igaro dute goiza, eta ikustera gerturatu diren hainbat herritar ere festarekin bat egin dute.
Eguerdian bazkaria egin dute Amalurra plazan, eta 17:00etan berriro eutsiko diote konpartsa herrikoiari. Oraingo honetan Gauerdi txarangak alaituta. 19:30etan, txekor jatea eta sagardo dastaketa izango dira Txerminen, eta 20:00etatik aurrera 80 hamarkadako bertsio desberdinen kontzertuak Erreboteko plazan.
Ikusi Santio Jaietako egitarau oso hemen.
