Gaur goizean jokatu dute, Villabonako Santio jaien barruan, XLII. Herri krosa. Helduak 11:30ean abiatu dira, eta guztira 7,5 kilometroko ibilbidea egin dute. Helmugaratzen lehena Aitor Regillaga tolosarra izan da (00:25:24) eta emakumeetan, berriz, Garazi Karrera irurarrak (00:28:15) zeharkatu du muga azkarren.
Regillagaren atzetik iritsi dira, hurrenez hurren, Iñaki Elola azkoitiarra (00:25:34) eta Iñaki Jimenez tolosarra (00:25:34). Emakumeetan, aldiz, podiuma osatu dute Itziar Ibarbia alkizarrak (00:29:50) eta Nere Arregi arrasatearrak (00:30:02).
Herriko azkarrena, berriz, Aitor Guisasola izan da (00:26:45) eta bederatzigarren iritsi da sailkapen orokorrean.
