Santio jaien barruan euskal presoen aldeko hainbat ekimen burutuko dituzte. Araban Langraitzen daude preso Oskar Zelarain, Manex Castro eta Karlos Besance herritarrak, eta hirugarren graduan, berriz, etxean preso dago Iñigo Guridi.
Haien etxeratzea eskatzeko ekimenak antolatu dituzte Santio jaien barruan. Asteazkenean 18:00etan brindisa egingo dute eta argazki erraldoia atera Erreboteko plazan.
Astelehenean, berriz, uztailaren 29an euskal preso, iheslari eta deportatuen eskubideen aldeko mobilizazio musikatua abiatuko da 20:00etan Berdura plazatik. Ondoren ekitaldia izango da eta afaria 21:00etan. Afarirako txartelak eskuratu nahi dituenak Iratzarren dauzka salgai.