Estatu osoan zabalkundea duen Tinta&Estilo aldizkariak, bigarren urtez jarraian, Amasa-Villabonako Anders Galleryk egindako tatuajeak 2023ko onenen artean hautatu ditu.
Ander Ortiz de Muruak aitortu du 2023an egindako ahaleginek emaitza eman dutela eta eskertuta agertu da bere bezeroekin.
2017 inguruan zabaldu zuen Ortiz de Muruak Anders Gallery estudioa Villabonako Errota kalean. "2024an ikasten eta hobetzen jarraitu nahi dut, gizatiarrago izaten. Niretzat zuekin lan eginez elkarri adierazten diogun maitasuna da irakaspenik handiena", esan du sare sozialetan.
Tinta&Estilo aldizkariaren atarian ikus daitezke 2023an Espainiako estatuan egindako tatuaje onenak eta tartean daude Anders Gallery estudiokoak.
