Amasa-Villabonako Kale Nagusiko 62. eta 68. zenbakien arteko eraikinak eraisten hasi dira. Construcciones Aburuza SL enpresak egingo ditu lanak. Hiri Antolamendurako Plan Orokorra aldatu bitartean, orube hori espazio publikoa izango da, alegia, oinezkoak bertatik pasa ahal izango duten eremu ireki bat, inolako hesi edo trabarik gabe. Enpresak egingo ditu espazioa egokitzeko lanak, udalarekin batera adostutako akordioan zehaztu bezala.
Maiatzaren 24an Amasa-Villabonako udaleko Hirigintza batzordeak aho batez onartu zuen Construcciones Aburuza SL enpresak Kale Nagusiko 62. eta 68. zenbakien arteko eraikinak eraisteko aurkeztutako proiektua onartzea eta obra egiteko lizentzia ematea.
