Ekoizle txikien plaza

Hogeitazazpigarrenez antolatu du Irrintzi elkarteak Azoka Berezia Villabonako Errebote plazan; Chesus Navarrok lortu du azokako postu onenaren sari nagusia.

Denera 29 ekoizlek jarri dute postua eta ekoizle txikiak izan dira gehienak; gazta, olioa, ardoa, fruta, barazkiak, eztia, kontserbak eta beste hainbat produktu saldu dituzte. Ekoizle batzuek, gainera, saria eskuratu dute. Irrintzi elkarteak, hiru postu onenak saritu ditu: Chesus Navarrok lortu du sari nagusia, Ximun Lasa izan da bigarren, eta Eugenio Elorza hirugarren.

Goizean zehar, Irrintzi elkartekoek barra zerbitzua jarri dute plazan, edaria, haragi gisatua, txorizoa eta antzeko mokaduekin. Eta ondoren, bazkaria ere prestatu dute elkartean bertan. Postua jarri duten ekoizleak zein gainerako herritarrak gonbidatu dituzte aurten ere. Urteroko hitzordua bilakatu da Azoka Berezia. Herria girotzen duen egun bat izaten da eta harrera ona izaten du. Gaur ere herritar ugari gerturatu da plazara.

Erlazionatuak

Behar Zana elkarteak irabazi du Isats Gisatu Lehiaketa

Amasa-Villabona

Nagusitasunez irabazi du aurtengo lehiaketa, 81 puntu lortuta. Irrintzi elkartea izan da bigarrena, 65 punturekin, eta Billabona KE-k eta Urkamendi...

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!