Villabonako jaiak 2022

Jendetsua izaten ari da Erromeri eguna

Erreboteko plazan sagardo eta pintxo dastaketarekin abiatu da arratsaldea. Santiotan Kantari ekimenekoek saioa egin dute eta Iñaki Dieguez eta Xabier Berasaluze Leturia aritu dira ondoren Pepito Yanci beti bizi ikuskizunarekin.

Oinkari dantza taldeak antolatzen duen Erromeri eguna jendetsua izaten ari da. Giro onak lagunduta, ehunka lagun bildu dira arratsaldean Erreboteko plazan, sagardo eta pintxo dastaketan. Ondoren, Santiotan Kantari ekimenekoek saio bat egin dute bertan eta Besamotza konpartsako erraldoi eta buruhandiak ere bertan izan dira.

Pepito Yanci beti bizi izeneko ikuskizuna eskaini dute ondoren, Iñaki Dieguezek eta Xabier Berasaluze Leturiak. Eguna biribiltzeko bertsolariak izango dira, 22:30ean, Txermingo ikastolan: Oihana Iguaran, Nerea Ibarzabal, Maialen Lujanbio, Amets Arzallus, Andoni Egaña eta Agin Laburu arituko dira bertsotan, Amaia Agirreren esanetara.

Izer eta Alabierrek girotuko dute Larrain dantza herrikoia bitarteko tartea eta ondoren, goizaldera arte, Laket taldea ariko da Errebote plazan.

Bihar izango da festetako azken eguna. Egitarau osoa hemen ikusgai.

Erlazionatuak

Kantua eta dantza protagonista Erreboteko plazan

Amasa-Villabona

Santioetan Erromeri eguna antolatu du Oinkari dantza taldeak. Santioetan Kantari ekimenekoak eta Iñaki Dieguez eta Xabier Berasaluze 'Leturi...

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!