Villabonako jaiak 2022

Ahotsa urratu arte kantari aritzeko prest

Kantujiran aritu dira parte hartzaileak goiz osoan zehar; arratsaldean, Erromeri eguna izango dute Villabonan Oinkari dantza taldeak antolatuta.

Villabonako Santio festen barruan, gaur, Erromeri eguna da. Oinkari dantza taldeak antolatzen du ekimena, eta 18:00etatik aurrera Erreboteko plazan, sagardo eta pintxo dastaketa egingo dute eta Santioetan Kantari kantujiraren emanaldia izango da bertan. Horren aurretik, parte hartzaileak kantujiran ibili dira goiz osoan zehar udal pilotalekutik abiatuta. Nahiz eta eguneko lehen orduan euria egin, atertu ondoren billabonatarrak kalez kale ibili dira kantuan.

Arratsaldean gainera, Iñaki Dieguezek eta Xabier Berasaluze Leturiak, Pepito Yanci beti bizi izeneko ikuskizuna eskainiko dute Erreboteko plazan. Eta bertsolariak izango dira, ondoren, Txermingo ikastolan: Oihana Iguaran, Nerea Ibarzabal, Maialen Lujanbio, Amets Arzallus, Andoni Egaña eta Agin Laburu arituko dira bertsotan, Amaia Agirreren esanetara.

Izer eta Alabierrek girotuko dute Larrain dantza herrikoia bitarteko tartea eta ondoren, goizaldera arte, Laket taldea ariko da Errebote plazan.

Bihar izango da festetako azken eguna. Egitarau osoa hemen ikusgai.

Erlazionatuak

Santiotan kantari kantujira Santiago egoitzan

Amasa-Villabona

Santiotan Kantari ekimena goizean udal pilotalekutik irten da eta lehen geldialdia Santiago egoitzan egin du; han eskaini dituzte lehenengo kantuak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!