Villabonako Santio festen barruan Kuadrillen Eguna da gaurkoa. Adin guztietako herritarrak bildu dira kuadrillako lagunekin bazkaltzeko Etxeondo parkean. Ehunka lagunek parte hartu dute bazkarian, norberak etxetik eramandakoak dastatzeko.
Jai giroa izan da nagusi eguerdi partean. Arratsaldean Incansables txarangak jasoko ditu kuadrillak Etxeondotik eta herriko erdigunera eramango ditu.
Hau da gaurko jai egitaraua:
- 20:00. Dantzaldia Trikidantz taldearekin Erreboteko plazan.
- 21:30. Kafe eta likore dastaketa musikarekin erretiratuentzat Jubilatuen biltokian.
- 00:00. Zezen suzkoa plazan.
- 00:30. Dantzaldia Trikidantz taldearekin plazan.
Bihar eta etziko festa egunak geratzen dira Santio jaien barruan. Hemen ikusgai egitarau guztia.
