Lau edukiontzi erabat erre zituzten atzo gauean Kale Berriko Malkar plaza parean. Oraindik informazio askorik ez badute ere, Amasa-Villabonako Udalak jakinarazi duenez, Udaltzaingoa eta Ertzaintza gertatutakoa ikertzen ari dira. Suaren ondorioz, zauriturik ez da izan, baina kalte materialak nabarmenak izan dira hainbat etxebizitza, negozio, herriko zerbitzu eta altzarietan.
Bestalde, udalak bart gauean izandako gertakaria onartezina dela adierazi du eta irmoki salatu du. Era berean, udalak elkartasuna adierazi die kaltetuak izan diren bizilagunei.