Azken urteetan bezala, Villabonako eta Zizurkilgo merkatariak biltzen dituen Oria merkatarien elkarteak Eguberrietako egitarau berezia antolatu du, abenduaren 27tik 30era.
Oria merkatari elkarteak antolatuta, Eguberrietako hainbat ekintza egingo dituzte Villabonan. Gurea zinema aretoko erakusketa gelan, Gurea antzokian eta kultur etxean egongo dira goiz eta arratsaldez.
Ekintza hauek 4 eta 12 urte arteko haur eta gaztetxoei zuzendutakoak direla jakinarazi dute antolatzaileek eta ondo pasatzeko aukera eskaintzen dute. Jolasak, zirku tailerrak eta ipuin kontalariak izango dira, besteak beste.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!