Herri hezitzaileen sarearen aurkezpena egin diete herriko eragileei

Tolosaldeko Ataria 2021ko aza. 8a, 17:06

Oinherri sarearekin elkarlana abiatu nahi du Amasa-Villabonako Udalak eta horretarako aurkezpena antolatu zuen aurreko astean Subijana etxean.

Amasa-Villabona eremu hezitzaile moduan garatzen hasteko eta elkarlan horizontalak eraikitzeko Oinherri elkartearekin elkarlana bideratu nahi du. Aurreko astean Subijana etxean herriko eragileekin izandako bilkuran, herri hezitzailea izateko 7 giltzarriak azaldu zituen Oinherriko ordezkariak.

Udalak parte hartzearen kulturan orain arte egindako ibilbidea balioan jarri eta Oinherrirekin sinatuko duen hitzarmenarekin gobernantza eredu parte hartzaileen ezagutzan eta hedapenean sakontzen jarraitu nahi du, "haurrak erdigunean kokatuz, eta denon ongizatea bermatuko duen herri bat eraikitzen jarraituz". Hain zuzen herriko ikastetxe, hezkuntza ez formaleko eragile eta herrigintzako elkarteekin batera udalak bere burua hezkuntza eragile bezala ikusten du eta horregatik herria bera eremu hezitzaile bezala sustatu nahi du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!