Beertoki taldeak Beertoki Fest antolatu du gaur Villabonako Berdura plazan. Pandemiaren etenaren ondoren berreskuratu dute udazkeneko hitzordua. Herrian kultur mugimendua bultzatzea ere badago Beertoki proiektuaren atzean eta asmo horrekin antolatu dute gaurko emanaldia. 100 lagun inguruk eman dute izena gaurko ekimenean parte hartzeko.
Festa antolatzeko kalitate handiko taldeak ekartzea hobetsi du garagardo artisaua lantzen duen elkarteak. Musika entzuteaz gainera pandemia garaian Beertokik ostalariekiko elkartasunez sortu zuen garagardoa dastatu ahal izan da.