Goizaldeko bostak aldera Villabonako istiluetan parte hartu duen 20 urteko gazte bat atxilotu dutela jakinarazi du Ertzaintzak, desordena publikoak leporatuta. Aldi berean, Errebote plazan eta Kale Nagusian zeuden hainbat pertsonak objektuak bota dizkiete ertzainei, eta edukiontziak ere gurutzatu dituzte herriko hainbat lekutan. Edukiontzietako bakarren bati su ere eman diotela adierazi du, eta suhiltzaileek esku hartu behar izan dute. Istiluetan bi ertzain zauritu dira, eta mediku-arreta behar izan dute.
Udalak Santio jairik ez dela izango gogorarazi eta arduraz jokatzeko deia egin zuen ostegunean. Atzoko gertakarien harira, momentuz, Udalak ez du adierazpenik egin.