Asfaltatze lanak egin dituzte Sacem industriagunean

Tolosaldeko Ataria 2021ko ots. 19a, 09:00

Inbertsio berri honek finantziazio publiko-pribatua izan du, Arteca Caucho Metal S.A. enpresak eta Amasa-Villabonako Udalak ordaindu baitute obra.

Sacem industria poligonoko hegoaldeko bidea (Anoeta aldera ematen duena) oso egoera txarrean aurkitzen zela eta ibilgailuak bertatik pasatzeko zituzten zailtasunak kontuan hartuta, bide hori asfaltatzea lortu da. "Horrela, hemendik aurrera bertako industria jarduerarako azpiegiturak nabarmen hobetu direla esan daiteke, batez ere kamioiek industrigune osoa zeharkatzeko aukera izango dutelarik", esan dute udaletik.

Udal gobernua "pozik" agertu da emaitzarekin eta herriko industria jarduera bultzatzen jarraitzeko konpromisoa berretsi du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!