Urte asko dira Villabonako Zunbeltz elkarteak Olentzeroren jaitsiera antolatzen duela. Iaz, ordea, elkartearen barruan kultur ekitaldiak antolatzeko batzordeak proposamen berria egin eta Olentzaroren basoa antolatzea erabaki zuen. Iaz izan zuen arrakasta ikusita aurten ere Zunbeltz elkarteak Olentzaroren basoa ekimena antolatu du. Osasun egoerak baimendu du, eta horregatik, beharrezko segurtasun eta osasun neurriak gogor errespetatuz abitu dira 17:00etan ekimenarekin. Etxeondotik Aranzabiraino, Aranerrekan barrena, neguko solstizioaren pertsonaia ugari agertu dira bidean. Ordu laurdenero txandaka abiatuko dira umeak eta guztira 9 itzuli egingo dituzte basoan barrena. Taldeak 2012 eta 2018 urteen artean jaiotako 50 haurrez osatuta daude.