Amasa-Villabonako Udaleko kultura sailak adierazi duenez, orain arte bezala, garbitasun eta segurtasun neurri guztiak aintzakotzat hartuko dituzte, "kultura gauza benetan segurua izan dadin".
Herri mugakideetatik gerturatzeko asmoa dutenei, batez ere, sarrera aldez aurretik villabona.eus webgunean erostea gomendatzen diete.
Zine emanaldiak
Helduen filmetako emanaldiak 19:15ean izango dira azaroko programazioan, emanaldi guztiak 21:00etarako bukatuta egon daitezen. Haurren filmetako ordutegiak ez dira aldatuko.