Sarek Villabonako eliza parean elkartzera deitu ditu herritarrak

Tolosaldeko Ataria 2020ko urr. 23a, 10:22

Donostian iragarrita zegoen manifestazioa bertan behera geratu ondoren urriaren 24an 19:30ean bilduko dira Villabonako eliza parean. Linternak, kandelak eta telefonoak eramateko deia luzatu dute.

"Era sinbolikoan eta murritzagoan" egingo du Sarek larunbat honetarako aurreikusia zuen manifestazioa, osasun egoerara egokituta; baina euskal presoen egoeraren larritasuna aintzat hartuta, mobilizazioari eustea erabaki dute.

Horrenbestez, 600 laguneko ordezkaritza bat bilduko dute Donostian, mosaiko batean Resolution hitza marrazteko [Konponbidea]. Modu «ordenatu eta kontrolatuan» egin ahal izateko, Sare iristen den herri eta auzoetako ordezkaritzekin koordinatuko dute protesta, eta Sarek deia egin du egun horretan sare sozialen bitartez egingo duten jarraipenarekin bat egiteko.

Villabonan, 19:30ean ordu laurden iraungo duen mobilizazioa egingo dute larunbatean. Eliza parean bilduko dira eta argia egiteko gailuak edo kandelak eramateko eskatu dute.

Sare herritarrak zabaldu duenez, nazioartean ere jaso du babesa ekimenak:

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!