Iparraldeko nagusien 1. mailako buruz buruko finala jokatuko du Eneko Maiz billabonatarrak. Mickael Massonde izango du aurrez aurre eta partida gaur arratsaldean jokatuko da, Donibane Garaziko Garat trinketean.
Maizek, iaz, hirugarren mailan hasi zuen txapelketa eta lehen urtean lehen mailara igo zen zuzenean. Behar Zana elkartearen ustez, "oso pilotari gutxik" eskuratu duten "lorpen handia" da. Endaiarrak Pilota Taldea ordezkatuko du billabonatarrak, eta Massonde, berriz, Atzarri taldekoa da.
Joan den martxoan jokatu behar zituzten finalaurrekoak, baina Covid-19a zela eta, atzeratu egin ziren. Finala gaur jokatuko dute, arratsaldeko seietan, Donibane Garaziko Garat trinketean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!