38 urteko tolosar bat atxilotu du Ertzaintzak, gauerdian gertatutako erasoagatik

Tolosaldeko Ataria 2019ko urr. 27a, 09:22

Ertzaintzaren arabera, erasoa 02:40ak inguruan gertatu da Villabonako Kale Berrian. Arratsaldean atxilotu dute erasotzailea, Tolosan: 38 urteko tolosar bat. 22 urteko gazte bat lepoan zauritzeagatik atxilotu dute. Biktima Donostia Ospitalera eraman dute, baina arriskutik kanpo dago.

Goizaldean gazte bat lepoan zauritu dute, labanaz, autobusean zihoala. Villabonako Kale Berrian gertatu da erasoa.

Ertzaintzak azaldu duenez, 02:40ak inguruan, Donostia-Tolosa egiten zuen Lurraldebus autobusean, bi pertsona eztabaidan hasi dira. Orduan, batek bestea labanaz zauritu du lepoan. Autobus gidariak Kale Berrian geratu du une horretan autobusa eta ateak zabaldu ditu. Erasotzaileak ihes egin du une horretan. Zauritua Donostia Ospitalera eraman dute. Ertzaintza gertaera argitu nahian dabil.

Villabonako Kale Berria bi noranzkoetan itxita egon da, autobusa bertan zegoelako.

 

Gizartea Amasa-Villabona

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!