Lizartzako Isk&bila txarangak alaitu ditu kaleak arratsaldeko lehen orduan eta Bearzana frontoian bazkaldu duten lagunak bildu dituzte Txermin auzora eramateko. Han prestatu dute agertokia eta Santiotan Kantari ekimenaren emanaldi nagusia egin dute herriko musikarien laguntzaz.
Ordurako Erromeri Egunaren barruko sagardo eta pintxo dastaketa prest zegoen. Arratsaldea Agurtzane eta Ion Elustondo trikitilariek alaitu dute.
Gauean, Txerminen bertan egingo da bertso saioa eta ondoren Errebote plazan jarraituko du festak, trikiti saio, Larrain dantza herrikoiarekin eta Malkogarriyak taldearekin. Egitaraua hemen.
