Villabonako jaiak 2019

Irudimena airean, gazteen poteoan eta baltsa jaitsieran

Gazteek euren eguna ospatu dute gaur Villabonako jaietan. Besteak beste, baltsa jaitsiera, bazkaria eta poteoa eduki dituzte.

Gazteek beti izaten dute festarako grina, eta hori asetzeko aukera izan dute gaur, Villabonako Santio festetako gazte egunean. Goizean, Onddo Gazte Asanbladak antolatuta baltsa jaitsiera egin dute ibaian. Batzuk haien gainean ibili diren bitartean, besteek tiraka eraman behar izan dituzte.

Eguerdian, indarrak berreskuratzeko, bazkaldu egin dute. Eguraldi txarra medio, Txermingo ikastolako estalpean jan dute. Baina euriak ez ditu beldurtu, eta arratsaldea kalean poteatzen pasa dute, Orkestra Nazionalaren laguntzaz.

Santio festetako egitarau oso hemen ikusi daiteke.

Erlazionatuak

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!