56 igerilarik parte hartu zuten emakumezkoen mailan, eta lehenengo sailkatua Nerea Elorza izan zen. Amundarain minutu bat eta 25 segundora iritsi zen eta bi segundo gehiagora Almuneda Prior.
Amundarainek azaldu duenez, «lehenengo postuetan geratzea espero nuen, ez nekiena zen zehazki ze postutan». Gizonezkoek eta emakumezkoek batera egin zuten igeri, eta Amundarainek ez zuen ikusi nondik zebilen lehen postuan zihoan emakumea. «Zeharkaldi guztia hirugarren joan nintzen, baina halako batean nire klubeko mutil bat ikusi nuen eta berarekin pikatu egin nintzen, eta konturatu gabe ere bigarren neska pasa nuen».
Ioseba Mateos ibartarrak ere parte hartu zuen Lekeitioko proban, eta atera ziren 192 gizonezko igerilarietatik bederatzigarren amaitu zuen.