Behar Zana pilota elkarteak 73. urteurrena ospatuko du asteburuan. Ostiralean botako dute txupinazoa, 17:00etan, eta eguna sagardo dastatzearekin bukatuko dute. Urteroko moduan buruhandi eta erraldoien kalejira ere izango dute Geronimo dultzaina taldearen laguntzarekin.
Larunbatean izango dira pilota partidak, eta bazkideen bazkaria ere egingo dute. Eguna bukatzeko danborra izango dute, 23:15etik aurrera.
Igandean errebote partida izango dute; Behar Zana Txost-en aurka ariko da. Elkartean bertan egingo duten gonbidatuen bazkariarekin bukatuko du Behar Zanak urteurren jaia.
EGITARAUA
Bihar, maiatzak 31
17:00. Txupinazoa bolatokian.
17:30. Bola tiraldia, haur eta helduentzat.
18:00. Sagardo dastatzea bolatokian. Eguraldi txarra eginez gero, Berdura plazan. Buruhandi eta erraldoiak kalejiran ibiliko dira Loatzo musika eskolako Geronimo dultzaina taldeak lagunduta.
Ekainak 1, larunbata
10:00. VIII. Xake Txapelketa, elkartean.
10:00. Pilota eskolako haurren txapelketako finalak.
14:00. Pilota eskolako haurren bazkaria, elkartean.
16:00. Pilota jaialdia: neskak palaz, eta mutilak zesta puntan zein eskuz binaka.
20:15. Bazkideen afaria.
23:15. Behar Zana danborrada.
Ekainak 2, igandea
09:00. Diana, Loatzoko Geronimo dultzaina taldearen eskutik.
11:00. Errebote partida: Behar Zaha-Txost.
14:30. Gonbidatuen bazkaria, elkartean.