Alderdi sozialistaren esker ona

Maria Luisa Arija alkategai sozialistak, boto emaileek PSE-EEn jarri duten konfiantza eskertu nahi izan du ohar batean.

Igandeko udal eta foru hauteskundeetan parte hartzeagatik zoriondu ditu herritarrak eta nabarmendu duenez, udalbatzan PSE-EEk duen ordezkaritza handitzea gustatuko litzaiokeen arren, "jasotako emaitzek erakusten dute Amasa-Villabonako herritarrek udalean egindako lana babesten dutela".

Datorren agintaldiari dagokionez, "herritarren bizi kalitatea hobetzea" izango du lehentasun bezala Arijak, eta honenbestez, talde sozialista udal gobernuak eramango dituen politikak eta gobernatzeko era "zorrotz" jarraituko dituela aipatu du. Aldi berean, udal gobernu talde berriari eskua luzatu dio elkarlanerako, herritarren beharrak asetzeko.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!