Gorka Lizaso musikari eta konpositore billabonatarra buru duen taldea Oiartzungo Lezoti estudioetan dabil eta bertan diskoa osatuko duten 11 abestiak grabatuko dituzte (10 abesti berri eta bertsio bat), Gorka Urraren ekoizpenarekin.
Grabaketan parte hartuko duen taldearen oinarria Andoni Garciak (gitarrak), Maria Soriazuk (baxua) eta Ibai Rosek (bateria) osatzen dute, eta Fredi Pelaez (teklatuak) eta beste hainbat musikarirekin batera diskoari forma emango diote. Uda ondoren argitaratuko da.
Laster, diskoaren izenburua eta portada, diskoa argitaratuko den eguna eta aurkezpen birako lehen datak azalduko dira.