Salaberria eta Balerdi izan dira garaileak

VII. Antton Pebet Txapelketa irabazi dute, 8-22, Apezetxea eta Murgiondoren aurka.

Beharzana frontoia goraino bete da arratsaldeko pilota jaialdiarekin. VII. Antton Pebet Txapelketa finala jokatu da, eta Salaberria eta Balerdi bikoteak 8-22 irabazi du Apezetxea eta Murgiondoren aurka. Salaberria maila oso onean aritu da, tanto ugari eginez, eta pilotari onenaren saria eraman du.

Finalaren aurretik beste bi partida jokatu dira. Lehenbizi, emakumezkoen arteko norgehiagoka izan, eskuz. Arrizabalaga-Mendizabal bikoteak 22-19 irabazi dio Bergara-Arrillaga bikoteari, emozio handiko partidan. Bigarren partida joko garbikoa izan da, eta honek ere emozio handia izan du. Sistiague-Karrikaburu bikoteak 35-30 irabazi dio Driolet-De Paredes bikoteari.

Sari banaketa egin aurretik, Eneko Maiz munduko txapeldunordeari omenaldia egin dio Behar Zana elkarteak. Bide batez, Behar Zana elkartetik eskerrak eman dizkiote babesleei Antton Pebet Txapelketa antolatzen laguntzeagatik, eta pilotariei ere eskertu die egindako esfortzua eta erakutsitako jokoa.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!