Bi billabonatarrak Donostiako I. Buskers jaialdian parte hartu dute. Aurreko fasean bi artistek kartel bera partekatu zuten, eta urriaren 12an eta 14ean, Scanner eta Via Fora tabernetan aritu ziren. Finalean parte hartzeko aukeratu zituzten bi ordezkariak.
Aurreko abenduaren 7an, Frantzia pasealekuan kokatuta dagoen Gabonetako Azokan jokatu zen finala. Olaia Toralek, Maider Iñurritarekin batera, 500 euro eskuratu ditu, Gipuzkoako Ostalaritza Elkarteak banatutako hirugarren saria jasota. Sin Mala Intención taldeak, berriz, epaimahai nagusiak emandako bigarren saria jaso du, 800 euroz hornitua dagoena. Gorka Lizaso billabonatarra da taldeko burua.