Estatu mailan, Diego Garcia eta Kamel Zianik soilik dute billabonatarrak duena baino denbora hobea maratoian. Behobian lortutako bigarren postuaren ondoren, hauxe izan da bere lehen lasterketa. Sheffielden (Erresuma Batua) bizi den korrikalariak aurkari ugari utzi ahal izan ditu atzean, azken metroetan egindako esfortzuari esker.
Internazionalki ospetsua da Valentziako lasterketa, eta horren erakusle da, bai gizonezkoetan, baita emakumezkoetan ere, markak hobetu direla. Leul Gebrselassie etiopiarra izan da gizonik azkarrena helmugan, 2 ordu, 4 minutu eta 30 segundoko denborarekin. Emakumezkoetan, berriz, Ashete Dido etiopiarra izan da lehena Valentziako helmugan, 2 ordu, 21 minutu eta 13 segundo behar izan dituelarik.
Gaurko denbora erreferentzia izango da hemendik aurrera Iraitz Arrospiderentzat. Izan ere, atzo eman zituzten ezagutzera, datorren urtean Dohan ospatuko diren Munduko Txapelketetarako gutxieneko denborak, eta maratoian parte hartu nahiko duten korrikalariek, 2 ordu eta 12 minutuko langaren azpitik aritu beharko dute. Beraz, Arrospidek gaur urrats handia eman du datorren urteko erronka nagusirako.