Joxe Mari Etxebeste Behar Zana elkarteko kideak azaldu duenez, "gustura gaude txapelketarekin, hainbeste partaidek izena eman dutelako, eta eguraldia ere laguntzen ari da". Irailaren 29an, larunbata ere, jokatuko dira final-laurdenak, finalerdiak eta finala. Olaederra kiroldegiaren ondoko bolatokian ari dira jokatzen txapelketa.
Giro ederrean ari da jokatzen txapelketa. Federatuek parte hartu ahal dute txapelketan, eta denak elkar ezagutzen dira. Bestalde, Etxebestek nabarmendu du adin guztietakoak daudela: "14-15 urteko partaideak daude eta 80tik gorakoak ere. Gazteak eta adinekoak batera aritzea ere polita da". Etxebestek gaineratu du gero eta emakume gehiagok parte hartzen dutela bola txapelketan.