Villabonako festetan, ezinbestekoa da kuadrillen eguna; horrekin batera, baita egun horretako bazkaria ere. Giro ederra sortzen da Etxeondo auzoan, paraje berezia baita. Aurten, bi mila lagun baino gehiago elkartu dira bertan; kuadrilla bakoitza, bere kolorearekin.
Eta egun honetako unerik garrantzitsuena, edo behintzat, alaiena, txaranga doinuak entzutean heltzen da. Incansables txarangak ez du hutsik egiten, eta azken urteetan bezala, gaur ere, betiko kalejira egin dute, alde zaharrera lehenik, eta bertako kaleetan gero. Kale nagusia txiki geratu zaie billabonatarrei. Txarangak amaituta, erromeriaren txanda izango da, eta trikiti doinuak gauez ere entzun ahalko dira, Gozategi taldearen kontzertuan. Aurrena, ordea, zezensuzkoaren aurretik korri egiteko aukera izango da.
Ikusi hemen, datozen egunetarako festen egitaraua:
Argazki galeria hau babesten du:
