Lau izango dira jokatuko diren txapelketak. Eskuz binakakoa izango da horietako bat. Pilota goxoz jokatuko da, eta parte hartzaileek federatu gabeak izan beharko dute. Frontenisean, berriz, bakarka arituko dira, eta parte hartzeko Erniope bailarako herritarra izan beharko da.
Palan, berriz, bi txapelketa izango dira. Gomako pilotarekin binaka jokatuko da. Emakumeen binakakoa ere antolatu dute, teniseko pilotekin.
Izena emateko azken eguna ekainaren 10a izango da, 19:00ak baino lehen. Online egin beharko da izen ematea, eta helbide elektroniko bat, telefono zenbakia, izen-abizenak eta adina zehaztu beharko dira. Informazio gehiagorako, beharzanapelota@gmail.com helbidera idatzi daiteke.
Hain zuzen, asteburuan 72. urteurrena ospatuko du Behar Zana elkarteak.
