Ingurumen teknikaria da Jon Padilla eta Errenteriako kontserbatorioan piano eta musika ikasketak burutu zituen. Orain, Haitin dago, Eusko Jaurlaritzaren Euskadiko Gazteak Lankidetza programaren baitan. Han grabatutako 'Haiti, bizimodua eta euskara' bideoagatik lortu du saria.
EiTB Komunikazio taldeak antolatu du lehiaketa Euskal Herriko Unibertsitatearekin, Deustuko Unibertsitatearekin, Nafarroako Unibertsitatearekin eta Mondragon Unibertsitatearekin lankidetzan. Mugikorrez egindako kazetaritza Mojo de Mobile Journalisn izenez ezagutzen da ingelesez. Geroz eta telebista kazetari gehiago ari da smartphonea erabiltzen, notiziak grabatu, editatu eta zuzenean bere kateetako albistegietan sartzeko.
Finalera iritsi diren 15ak gazte sortzaileak dira eta smartphone bidez egindako ikus-entzunezko lan hauekin lehiaketaren lehen edizioan hartu dute parte. Lehen saria Oihane Zunzunegirentzat izan da 'Ez da Erraza' lanarengatik.