Aritza kultur elkarteak urteak daramatza Amasa-Villabonako memoria historikoa aztertzen (hainbat argitalpen egin direlarik) eta oraingo honetan inguru hurbilean izandako gertakari latz eta tragiko bat jasotzen duen dokumental hau eskaintzeko urratsa eman du.
Sarrerak salgai daude 3 eurotan Amasa Kafetegian eta Basajaun Liburu-dendan. Ostegunean 18:30etatik aurrera Gurea Zineko leihatilan ere erosi ahal izango dira.
Film honek 1984ko martxoaren 19an Pasaiako badian jazotako gertaerak azaltzea du helburu. Adunan dokumentala eskaini zuten duela astebete eta Yuri Agirre egileetako batek eman zituen azalpenak. Ostegunean, film dokumentala bukatu ondoren ere arituko da azpeitiarra azalpenak ematen eta solasaldirako aukera zabalduko da.