Gipuzkoa Argitu programaren helburua da argindar kontsumoaren murrizketa sustatzea era erraz eta soil batean, Gipuzkoako etxebizitza, komertzio eta enpresa txikientzako abian jarritako baliabideen bitartez. Jomuga eraginkortasun energetikoa areagotzea eta zaurgarritasun nahiz pobrezia energetikoaren prebentzioa eta murrizketa lortzea da.
Tailer horietan Gipuzkoa Argituk bere web gunean (www.argitu.eus) eskuragai jarri dituen tutorialak gauzatu ahal izango dituzte parte hartzaileek. Tutorial hauetan gure kontsumo datuak ezagutzeko eman beharreko pausoak zeintzuk diren zehazten da (zenbat kontsumitu dugun eta zein momentuan gertatu diren kontsumo handienak).
Astearteko tailerrean, Marisol Gomez, Ingurumeneko Departamentuko aholkulariak hitz egingo du.
Gipuzkoa Argitu tailerra egingo da asteartean 19:00etan Subijana etxean, Ingurumeneko Departamentuak zaurgarritasun energetikoa prebenitzeko gauzatu duen programaren barruan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!