Inoiz baino pilotari gehiago elkartu dira, goizean, IV. Udazken Pilota Festa ospatzeko, Villabonako frontoian. Aurtengoan jaialdiak lau talde izan ditu. Etxekoaz gain, beste hiru pilota taldeetako haurrak aritu dira jolasean: Adunako Txulobi, Zizurkilgo Ziotza eta Angeluko Hardoytarrak.
Aurrebenjamin, benjamin eta alebin mailako 80 neska eta mutilek hartu dute parte 10:00etan hasi den festan. Eskuz zein palaz jokatu dituzte partidak, pilotalekua hiru zatitan banatu dutelarik. Gurasoek eta bertaratu diren zaleek, partida bat baino gehiago ikusteko aukerarekin. Guztiak ere, partida motzak izan dira, 6 tantotara jokatutakoak eta joko garbi erakustaldia ere izan da. Denera 65 partida jokatu dira eta amaitu ondoren, Behar Zana elkartean hamaiketakoa dastatzeko aukera izan dute.